სომხეთში გამართულ შეხვედრაზე გაკეთდა გორის უნივერსიტეტის ჟან მონეს მოდულის პრეზენტაცია
09 აპრილი,20212021 წლის 8-9 აპრილს, სომხეთში გაიმართა ონლაინ ვებინარები Erasmus+ 2021-2027 წლების პროგრამასთან დაკავშირებით.
სომხეთის ერასმუსის ეროვნული ოფისის მხრიდან საქართველოდან შეხვედრაზე მიიწვიეს ქ-ნი ეკატერინე ქარდავა და ქ-ნი ირინა ქურდაძე (თბილისის სახელმწიფო უნივერსიტეტის პროფესორი), საქართველოს გამოცდილების გაზიარების მიზნით Jean Monnet Activities სფეროში.
9 აპრილს, პროფესორმა ეკატერინე ქარდავამ წარადგინა ორი უნივერსიტეტის 3 აქტივობა, კერძოდ, გორის სახელმწიფო სასწავლო უნივერსიტეტის ჟან მონეს მოდული „აღმოაჩინე ევროკავშირი ასოცირების შეთანხმებაში“/EUEAA (კოორდინატორი ეკატერინე ქარდავა), კავკასიის უნივერსიტეტის ჟან მონეს პროექტები „ევროკავშირის სამართლებრივი სახე“/LFEU (კოორდინატორი სოფიო შენგელია) და „ევროპული სწავლების სამკუთხედი“/TEESS (კოორდინატორი გურანდა ჭელიძე). განსაკუთრებული ყურადღება გამახვილდა პროექტების წარმატების განმსაზღვრელ კრიტერიუმებზე.
შეხვედრას ესწრებოდნენ აღმოსავლეთ პარტნიორობის ბენეფიციარი ქვეყნების ერასმუსის ეროვნული ოფისები, ასევე, სომხეთის, მოლდოვას, უკრაინის, ყაზახეთის სხვადასხვა უნივერსიტეტების წარმომადგენლები.