17 ოქტომბერს, სიღარიბესთან ბრძოლის საერთაშორისო დღის აღსანიშნავად, გორის სახელმწიფო უნივერსიტეტს მსოფლიო ბანკის საქართველოს წარმომადგენლობის დელეგაცია ესტუმრა.
შეხვედრის მიზანი იყო სტუდენტებისთვის სიღარიბის დაძლევის გლობალური მიზნების, შესაბამისი კვლევების შედეგებისა და ეკონომიკური განვითარების ტენდენციების გაცნობა.
შეხვედრა გახსნა გორის სახელმწიფო უნივერსიტეტის რექტორის მოადგილემ, ბატონმა ზურაბ ზურაბაშვილმა.
მსოფლიო ბანკის წარმომადგენლებმა ისაუბრეს ახალგაზრდების როლზე სიღარიბის შემცირების პროცესში, გააცნეს სტუდენტებს თანამედროვე შრომის ბაზრის გამოწვევები, მომავალი პროფესიების ტენდენციები და ცოდნა, რომელიც აუცილებელია ეკონომიკურ აქტივობაში წარმატებული ჩართვისთვის.
სემინარს უძღვებოდა უფროსი ეკონომისტი, ქალბატონი საიდა ისმაილახუნოვა.
ღონისძიება ინტერაქტიულ ფორმატში გაიმართა. პრეზენტაციას თან ახლდა სამაგიდო თამაში და დისკუსია, სადაც სტუდენტებს შესაძლებლობა ჰქონდათ აქტიურად ჩართულიყვნენ, გაეზიარებინათ საკუთარი მოსაზრებები და დასმულ შეკითხვებზე მიიღეს ამომწურავი პასუხები.