2010 წლის 24 მაისს გორის უნივერსიტეტში სტუმრად იმყოფებოდა ლექტორთა გაცვლითი პროგრამების კოორდინატორი, ქალბატონი ირმა ბარბაქაძე, რომელმაც პროგრამა - JFDP-ს პრეზენტაცია წარმოადგინა. შეხვედრას ესწრებოდნენ ადმინისტრაციის წარმომადგენლები და პროფესორ-მასწავლებლები. პროექტი ითვალისწინებს ხუთთვიან სტაჟირებას ამერიკის შეერთებულ შტატებში 2011 წლის იანვარ-მაისში. დამსწრეთ მიეწოდათ ამომწურავი ინფორმაცია პროექტის შესახებ და დაურიგდათ აპლიკაციის ფორმები. ქალბატონმა ირმამ უპასუხა შეკითხვებს და იმედი გამოთქვა, რომ გორის უნივერსიტეტის პროფესორ-მასწავლებლები დაინტერესდებიან აღნიშნული პროექტით.