ჟან მონეს მოდულის - „აღმოაჩინე ევროკავშირი ასოცირების შეთანხმებაში“ -ფარგლებში, გორის სახელმწიფო სასწავლო უნივერსიტეტი ახორციელებს მოსამზადებელ წინასწარ სამუშაოებს მოდულის სამომავლო იმპლემენტაციისათვის. ამ მიზნით, 2020 წლის 18 სექტემბერს, გსსუ-ის ადმინისტრაციულ შენობაში შედგა სამუშაო ჯგუფის შეხვედრა, რომელმაც განიხილა მოდულის ლოგოს დიზაინის საკითხი. აგრეთვე, ჯგუფის წევრებმა - ეკატერინე ქარდავამ (მოდულის კოორდინატორი), ზურა ზურაბაშვილმა (საერთაშორისო ურთიერთობების დეპარტამენტის უფროსმა), ციური დურულმა (სასწავლო პროცესის სამსახურის უფროსმა), შალვა მურადაშვილმა (IT სპეციალისტმა), განიხილეს მოდულის შესრულების ტექნიკური და ლოჯისტიკური ასპექტები.