2012 წლის 19-23 ივნისს იტალიის ქალაქ ფლორენციაში საერთაშორისო მულტიდისციპლინარულ კონფერენციაში მონაწილეობის მისაღებად მიწვეული იყვნენ გორის უნივერსიტეტის ჰუმანიტარული ფაკულტეტის პროფესორები თამარ გოგოლაძე, ელენე ხოჯევანიშვილი და მასწავლებელი ელიზა ისაკაძე. მათ ამერიკის შეერთებული შტატების ჟურნალ „ხელოვნება და მეცნიერების“ მიერ ორგანიზებულ კონფერენციაზე წარადგინეს მოხსენებები: „მიქელანჯელო და ლეონარდო და ვინჩი ქართულ კულტურულ სივრცეში“ (თ. გოგოლაძე) და „იტალიის ეროვნულ- განმათავისუფლებელი მოძრაობის გმირი ჯუზეპე გარიბალდი და საქართველო“ (ე.ხოჯევანიშვილი, ე.ისაკაძე).

კონფერენციის მონაწილეებს გადაეცათ სერტიფიკატები.

2012 წლის 16-18 ნოემბერს გორის სახელმწიფო სასწავლო უნივერსიტეტში მეხუთე საერთაშორისო სამეცნიერო კონფერენცია - „განათლება და ინოვაცია“ - ჩატარდა. მონაწილეობას იღებდა ექვსი ქვეყნის ას ოცი მომხსენებელი. მუშაობა წარიმართა შვიდ სექციაში. 18 ნოემბერს კონფერენციის მონაწილეთათვის მოეწყო ექსკურსია ყინწვისის სამონასტრო კომპლექსის დასათვალიერებლად.