2017 წლის 25 იანვარს გორის, სერგი მაკალათიას სახელობის ისტორიულ-ეთნოგრაფიული მუზეუმის ინიციატივით, მოეწყო გორის უნივერსიტეტის პროფესორის, ჰუმანიტარულ მეცნიერებათა ფაკულტეტის დეკანის, ბატონ იოსებ ალიმბარაშვილის ახლად გამოსული წიგნის ,,დიმიტრი მეღვინეთხუცესიშვილი (ცხოვრება და მოღვაწეობა)“, პრეზენტაცია, რომელსაც ესწრებოდნენ გორის უნივერსიტეტის რექტორი, ბატონი გიორგი სოსიაშვილი, ადმინისტრაციის ხელმძღვანელი, ბატონი გიორგი ხორბალაძე, უნივერსიტეტის პროფესორ მასწავლებლები, გორისა და გორის მუნიციპალიტეტის გამგეობისა და საკრებულოების ხელმძღვანელები, ქალაქის საზოგადოების წარმომადგენლები, სტუდენტები, მოსწავლეები, მოწვეული სტუმრები.
შეხვედრა გახსნა მუზეუმის დირექტორმა, ქალბატონმა თინა სოსანიძემ, სიტყვით გამოვიდნენ: უნივერსიტეტის რექტორი, პროფესორი და ზემოხსენებული წიგნის რედაქტორი, ბატონი გიორგი სოსიაშვილი, ადმინისტრაციის ხელმძღვანელი ბატონი გიორგი ხორბალაძე, გორის მუნიციპალიტეტის გამგებელი ბატონი დავით ონიაშვილი, ხაშურის მხარეთმცოდნეობის მუზეუმის დირექტორი ბატონი თამაზ ლაცაბიძე, გორის ისტორიულ-ეთნოგრაფიული მუზეუმის საქექსპოზიციო განყოფილების გამგე, ქალბატონი თამილა კოშორიძე, პროფესორები: თამარ გოგოლაძე, მარინე ცერცვაძე, ელდარ მამისთვალიშვილი, გიორგი მინდიაშვილი და სხვები, რომელთაც ისაუბრეს დიმიტრი მეღვინეთხუცესიშვილის, როგორც ისტორიკოსის, არქეოლოგის, დრამატურგის, პოეტის ღვაწლის ქვეყნის წინაშე და აღნიშნეს წიგნის მნიშვნელობა მეცნიერებისა და მომავალი თაობის აღზრდის თვალსაზრისით.
შეხვედრის დასასრულს, წიგნის ავტორმა მიმოიხილა წიგნზე მუშობის პროცესი, მადლიერება გამოხატა დიმიტრი მეღვინეთხუცესიშვილის საფლავის აღდგენის გამო ქალბატონ ლია კოვზიაშვილის ოჯახისა და დამსწრე საზოგადოების მისამართით.