18 მაისს, გორის უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტის ინიციატივთ გაფორმდა ურთიერთთანამშრომლობის მემორანდუმი გორის უნივერსიტეტსა და ხაშური #4, #6 და #7 საჯარო სკოლებთან. მემორანდუმი ითვალისწინებს სტუდენტთა სტაჟირებას, ასევე ერთობლივი პროექტების განხორციელებას. შეხვედრას ესწრებოდნენ ხაშურის საჯარო სკოლების პედაგოგები. სიტყვით გამოვიდნენ გორის უნივერსიტეტის რექტორი, პროფესორი გიორგი სოსიაშვილი, ადმინისტრაციის ხელმძღვანელი, პროფესორი გიორგი ხორბალაძე, ხაშური #4 საჯარო სკოლის დირექტორი, ქალბატონი ნანა გაგნიძე, ხაშურის #6 საჯარო სკოლის დირექტორი, ქალბატონი თამარ ხადური, ხაშურის #7 სკოლის დირექტორი, ქალბატონი მანანა ლაცაბიძე.
 გამომსვლელებმა ისაუბრეს უნივერსიტეტსა და სკოლებს შორის არსებულ მჭიდრო კავშირსა და სამომავლო გეგმებზე.
 შეხვედრის დასასრულს, საზეიმო ვითარებაში ხელი მოეწერა მემორანდუმებს.