2019 წლის 19 ივნისს გორის სახელმწიფო სასწავლო უნივერსიტეტსა და შპს ტურისტულ კომპანია PINK TRAVEL-ს შორის გაფორმდა ურთიერთთანამშრომლობის მემორანდუმი, რომელსაც ხელი მოაწერეს გორის უნივერსიტეტის რექტორის მ/შ, პროფესორმა გიორგი სოსიაშვილმა და აღნიშნული ტურისტული კომპანიის ხელმძღვანელმა, ქალბატონმა მეგი თაგორაშვილმა. შეხვედრას ესწრებოდნენ გორის უნივერსიტეტის რექტორის მოადგილე, პროფესორი ალექსანდრე მღებრიშვილი და პროფესორი მაია აზმაიფარაშვილი.
მემორანდუმი ითვალისწინებს ტურიზმის მიმართულების სტუდენტების პრაქტიკას, შემდგომი დასაქმების პერსპექტივით და სხვა ერთობლივ ღონისძიებებს.