მიმდინარე წლის 28 ივლისს უნივერსიტეტის აკადემიური და მოწვეული პერსონალისათვის  Zoom-პლატფორმის გამოყენებით ჩატარდა ტრენინგი, რომელიც ეხებოდა სასწავლო პროცესის მართვის პროგრამაში რეალიზებულ სიახლეს. კერძოდ, სპეციალურად შემუშავებული პროგრამული მოდული შესაძლებლობას აძლევს პროგრამის კომპონენტის განმახორციელებელ პერსონალს, რომ პირადი  ვებ-სივრციდან, ამ კომპონენტზე დარეგისტრირებული სტუდენტებისათვის, ატვირთოს სხვადასხვა სასწავლო რესურსი (ლექციის კონსპექტი, რიდერი, საშინაო დავალება და სხვა).  აღნიშნული სასწავლო რესურსი ხელმისაწვდომი იქნება სტუდენტისათვის თავისი  პირადი ვებ-სივრციდან. ტრენინგს უძღვებოდა უნივერსიტეტის ხარისხის უზრუნველყოფის სამსახურის ხელმძღვანელი ლევან მიდოდაშვილი. მან იმედი გამოთქვა, რომ უნივერსიტეტის საგანმანათლებლო პროგრამების განმახორციელებელი პერსონალის მიერ ამ შესაძლებლობის აქტიურად გამოყენება ხელს შეუწყობს სასწავლო პროცესის ეფექტიანობის ამაღლებას.