2015 წლის 28 მაისს, სტუდენტური დღეების ფარგლებში გორის სახელმწიფო სასწავლო უნივერსიტეტმა ახალგაზრდა პოეტ გენრი დოლიძეს უმასპინძლა, სადაც სტუმარმა საკუთარი შემოქმედება გააცნო დამსწრე საზოგადოებას.
აღნიშნულ ღონისძიებაზე აგრეთვე საკუთარი ლექსები წაიკითხეს პოეტმა გიორგი მახარობლიძემ, გორის უნივერსიტეტის სტუდენტებმა: დავით ლომაიამ და ლაშა ლომიძემ. დასასრულს კი სტუდენტთა თხოვნით საკუთარი ლექსები წაიკითხა გორის უნივერსიტეტის კანცლერმა გიორგი ხორბალაძემ.
საღამოს ესწრებოდნენ გორის უნივერსიტეტის რექტორი, პროფესორი გიორგი სოსიაშვილი, ადმინისტრაციის ხელმძღვანელი პროფესორი გიორგი ხორბალაძე, სტუდენტები და მოწვეული სტუმრები.