მიმდინარე წლის 12 თებერვალს ჩატარდა გორის სახელმწიფო უნივერსიტეტის სტუდენტთა მეცხრე საუნივერსიტეტთაშორისო სამეცნიერო კონფერენცია „სამართლის აქტუალური საკითხები“.

კონფერენცია გახსნა, მონაწილეებს მიესალმა გორის სახელმწიფო უნივერსიტეტის რექტორი, პროფესორი ალექსანდრე მღებრიშვილი, რომელმაც მადლობა გადაუხადა სტუდენტებს და ორგანიზატორებს აქტიური ჩართულობისთვის და უსურვა წარმატებები.

მონაწილეებს მიესალმნენ: გორის სახელმწიფო უნივერსიტეტის ადმინისტრაციის ხელმძღვანელი, ბატონი დავით კვერნაძე, სასწავლო პროცესის მართვის სამსახურის უფროსი, პროფესორი ციური დურული, სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანი, პროფესორი თეა ხორგუაშვილი და დოქტორი ივანე ბალახაშვილი.

გორის სახელმწიფო უნივერსიტეტის სტუდენტებთან ერთად კონფერენციაში მონაწილეობა მიიღეს ივანე ჯავახიშვილის სახელობის თბილისის სახელმწიფო უნივერსიტეტის, დავით აღმაშენებლის სახელობის საქართველოს ეროვნული თავდაცვის აკადემიისა და შპს შავი ზღვის საერთაშორისო უნივერსიტეტის სტუდენტებმა.

პროგრამით წარმოდგენილი იყო რვა ათეულზე მეტი სტუდენტის ნაშრომი.