მიმდინარე წლის 18 ივნისს „სტუდენტური დღეები 2021“-ის ფარგლებში გორის უნივერსიტეტის მიმდებარე ტერიტორიაზე გაიმართა სოციალურ მეცნიერებათა, ბიზნესისა და სამართალმცოდნეობის ფაკულტეტის სტუდენტ ნიკა ახალკაცის ხელნაკეთი ფიგურების პირველი გამოფენა.
აღსანიშნავია, რომ ნიკა ახალკაცმა ძირითად სპეციალობასთან ერთად პანდემიის პერიოდში დაიწყო ამ მიმართულებით მუშაობა და უკვე საკმაოდ დიდ წარმატებას მიაღწია. მისი ნამუშევრები იყიდება სხვადასხვა პლათფორმაზე, მან გახსნა საკუთარი ონლაინ მაღაზია და სისტემატურად იღებს შეკვეთებს უცხოელი დამკვეთებისგან.
გორის უნივერსიტეტის რექტორის ინიციატივით ნიკა ახალკაცს სამუშაო სახელოსნოდ დაეთმო უნივერსიტეტში არსებული, მიხეილ შაფთოშვილის სახელობის, ხელოვნების კაბინეტი, სადაც მას შესაძლებლობა ექნება ხეზე კვეთა შეასწავლოს დაინტერესებულ სტუდენტებს.