20 აპრილს გორის უნივერსიტეტს პროკურატურისა და საპატრულო პოლიციის წარმომადგენლები ეწვივნენ, რომლებმაც სტუდენტებთან საგზაო მოძრაობის შესახებ საინფორმაციო შეხვედრა გამართეს. საქართველოს პროკურატურამ პროექტ „საზოგადოებრივი პროკურატურის“ ფარგლებში კამპანია - „არ დაარღვიო საგზაო მოძრაობის წესები“ დაიწყო. კამპანიის ფარგლებში საქართველოს სხვადასხვა რაიონის პროკურატურის წარმომადგენლებმა ადგილობრივი მოსახლეობისთვის ავტოსაგზაო დარღვევებსა და სატრანსპორტო დანაშაულების პრევენციის მიზნით სხვადასხვა სახის ღონისძიებები გამართეს.