გორის სახელმწიფო  სასწავლო უნივერსიტეტს ნატოსა და ევროკავშირის შესახებ  საინფორმაციო ცენტრის წარმომადგენლები  ელენე გოცაძე  და  ირინა ბარნაბიშვილი ეწვივნენ. სტუმრებს შეხვდნენ  გორის უნივერსიტეტის რექტორი, პროფესორი გიორგი სოსიაშვილი და  რექტორის მოადგილე, პროფესორი ალექსანდრე მღებრიშვილი.  გორში მთავრობის გადაწყვეტილებით იხსნება ცენტრის რეგიონული წარმომადგენლობა, რომლის ფუნქციაა რეგიონის საზოგადოებასთან დიალოგი ნატოსა და ევროკავშირის, საქართველოს ევროპული ინტეგრაციის შესახებ. შეხვედრაზე  მხარეები შეთანხმდნენ, რომ ერთ-ერთი წარმომადგენლობა გაიხსნება გორის სახელმწიფო სასწავლო უნივერსიტეტში ახალგაზრდების ევროინტეგრაციის პროცესში ჩართვის მიზნით.