გორის უნივერსიტეტის რექტორი, გიორგი სოსიაშვილი, შიდა ქართლის რეგიონში არსებული სხვადასხვა სტრუქტურული ერთეულის ხელმძღვანელ პირებთან ეროვნულ თავდაცვის აკადემიაში გაცნობითი ხასიათის ვიზიტით იმყოფებოდა.
სტუმრებს ეროვნული თავდაცვის აკადემიის რექტორი, ვიცე-პოლკოვნიკი ზაზა ჯაფარიძე შეხვდა. აკადემიის წარმომადგენლებმა სტუმრებს უმაღლესი სამხედრო საგანმანათლებლო დაწესებულების სტრუქტურის, საქმიანობის, საგანმანათლებლო პროგრამებისა და საერთაშორისო ურთიერთობების კუთხით გატარებული ღონისძიებების შესახებ ინფორმაცია მიაწოდეს.
შეხვედრის დასრულების შემდეგ სტუმრებმა აკადემიის მატერიალურ-ტექნიკური ბაზა დაათვალიერეს.