მიმდინარე წლის 8 დეკემბერს, გორის სახელმწიფო სასწავლო უნივერსიტეტის საერთაშორისო ურთიერთობების ოფისის ხელმძღვანელმა, პროფ. რუიზან მექვაბიძემ და სპორტის, კულტურისა და ახალგაზრდულ საქმეთა ცენტრის ხელმძღვანელმა, ბატონმა ზურაბ ზურაბაშვილმა შეხვედრა გამართეს განათლების, ზუსტ და საბუნებისმეტყველო მეცნიერებათა ფაკულტეტის სტუდენტებთან. შეხვედრის მიზანი იყო სტუდენტთათვის მიმდინარე საგანმანათლებლო და შემოქმედებითი პროექტებისა და გაცვლითი პროგრამების შესახებ ინფორმაციის მიწოდება.
პროფ. რუიზან მექვაბიძემ აქცენტი გააკეთა ერასმუს +, მევლანასა, საერთაშორისო საგანმანათლებლო ცენტრის, ვისბის სასტიპენდიო პროგრამების და ვარშავის უნივერსიტეტის გაცვლით პროგრამებზე, ხოლო ბატონმა ზურაბ ზურაბაშვილმა სტუდენტებს გააცნო ლიტერატურული და ფოტო კონკურსების შესახებ ინფორმაცია და ასევე, ვრცლად ისაუბრა სიახლეზე, რაც ითვალისწინებს სტუდენტების ინიციატივებისა და პროექტების დაფინანსებას.