მიმდინარე წლის 17 მარტს გორის სახელმწიფო სასწავლო უნივერსიტეტს ეწვია ანჟეს უნივერსიტეტის (საფრანგეთი), ქართულ-ფრანგული უნივერსიტეტისა და საქართველოს ფრანგული ინსტიტუტის დელეგაცია.
სტუმრებს შეხვდა გორის უნივერსიტეტის რექტორი, პროფესორი გიორგი სოსიაშვილი, რომელმაც ისაუბრა ქართულ-ფრანგული ურთიერთობების შესახებ, ფრანკოფონურ სამყაროსთან შემდგომი თანამშრომლობის გზებზე. შეხვედრაზე განიხილეს გორის უნივერსიტეტთან თანამშრლობითი ურთიერთობების განვითარებისათვის სასწავლო და პრაქტიკული მიმართულებები ტურიზმისა და კულტურის სფეროში. გაანალიზდა 2022-2023 წლებიდან ანჟეს და გორის უნივერსიტეტებს შორის საერთაშორისო ურთიერთობების კუთხით ერასმუს+ ჩარჩოებში სტუდენტებისა და აკადემიური პერსონალის გაცვლით პროგრამებში ჩართვა და მემორანდუმის მომზადება.
ვიზიტის დროს ფრანგულ მხარეს წარმოადგენდნენ: ჟან მიშელ მონიე - ანჟეს უნივერსიტეტის პროფესორი, ტურიზმის ფაკულტეტის კულინარიისა და მეღვინეობის მიმართულების ხელმძღვანელი, ანჟუს რეგიონის სააპელაციო სასამართლოს ექსპერტი მეღვინეობის საკითხებში, გიორგი კონრად-ქუტაშვილი, ანჟეს უნივერსიტეტის ევროპული სასწავლო პროგრამების კოორდინატორი, დავიდ ტერტრი, ფრანგულ-ქართული უნივერსიტეტის კოორდინატორი, ნასტასია დომსი, თბილისის ფრანგული ინსტიტუტის საუნივერსიტეტო თანამშრომლობის ატაშე, ნათია მსხილაძე, კამპუს ფრანსის კოორდინატორი, მაია კაპანაძე - ფრანგული ენის ლექტორი. დელეგაციას ხელმძრვანელობდა გოჩა ჯავახიშვილი, გორის უნივერსიტეტის ფრანგული ენისა და კულტურის ცენტრის ხელმძღვანელი,
შეხვედრას ასევე ესწრებოდნენ გორის უნივერსიტეტის საერთაშორისო ურთიერთობების სამსახური, სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანი, პროფესორი მარიკა შერაზადიშვილი, ტურიზმის საბაკალავრო პროგრამის ხელმძღვანელი, პროფესორი მაია აზმაიფარაშვილი.