მიმდინარე წლის 19 მაისს გორის სახელმწიფო უნივერსიტეტის რექტორმა, პროფესორმა ალექსანდრე მღებრიშვილმა და უნივერსიტეტის პროფესორმა, აკადემიკოსმა გიორგი სოსიაშვილმა შეხვედრა გამართეს საქართველოში ლათინ კათოლიკეთა სამოციქულო ადმინისტრაციის წარმომადგენელთან, მამა გაბრიელე ბრაგანტინისთან და სულხან-საბა ორბელიანის უნივერსიტეტის რექტორთან, მამა აკაკი ჭელიძესთან.
შეხვედრის ფარგლებში მხარეებმა ისაუბრეს საგანმანათლებლო და სამეცნიერო თანამშრომლობის განვითარების პერსპექტივებზე, საერთაშორისო პარტნიორობის გაღრმავებისა და ერთობლივი აკადემიური ინიციატივების განხორციელების შესაძლებლობებზე. განსაკუთრებული ყურადღება დაეთმო გორის სახელმწიფო უნივერსიტეტის მიერ განხორციელებულ პროექტებს, რომლებიც საქართველოსა და ვატიკანის ურთიერთობებს ეხება.
მამა გაბრიელე ბრაგანტინისა და მამა აკაკი ჭელიძის მიწვევით აკადემიკოსი გიორგი სოსიაშვილი და პროფ. ალექსანდრე მღებრიშვილი მოხსენებით წარდგებიან საერთაშორისო სიმპოზიუმზე, რომელიც საქართველოში კათოლიკური მემკვიდრეობის საკითხებს ეძღვნება.