მიმდინარე წლის 29 მარტს აშშ-ს საელჩოს საქართველოში კულტურის ატაშე, კრისტოფერ ანდერსონი შეხვდა გორის სახელმწიფო სასწავლო უნივერსიტეტის ონლაინ ღონისძიება ‘’საჯარო გამოსვლა ინგლისურ ენაზე’’, მონაწილე სტუდენტებს.
შეხვედრის მიზანი იყო 2020 წლის 28 დეკემბერს სსიპ გორის სახელმწიფო-სასწავლო უნივერსიტეტში, ჰუმანიტარულ მეცნიერებათა ფაკულტეტის თაოსნობით ჩატარებულ საუნივერსიტეტო ონლაინ ღონისძიებაში ‘’საჯარო გამოსვლა ინგლისურ ენაზე’’, მონაწილე სტუდენტთა წახალისება და მოტივაციის ამაღლება.
შეხვედრა გახსნა სსიპ გორის სახელმწიფო სასწავლო უნივერსიტეტის რექტორმა, პროფესორმა გიორგი სოსიაშვილმა, რომელიც მიესალმა კონკურსის თითოეულ მონაწილეს, მადლობა გადაუხადა ორგანიზატორებს, მონაწილეებს და ისაუბრა გორის უნივერსიტეტში ინგლისური ენის სწავლა-სწავლების ხელშეწყობასა და განვითარებაზე.
ღონისძიებას უძღვებოდა ნონა პოპიაშვილი - გორის უნივერსიტეტის მოწვეული სპეციალისტი, სსიპ მასწავლებელთა პროფესიული განვითარების ეროვნული ცენტრის სტანდარტების განვითარებისა და დანერგვის პროგრამის ხელმძღვანელი.
სტუდენტებს შესაძლებლობა ჰქონდათ მიეღოთ მასტერკლასი აშშ-ს საელჩოს საქართველოში კულტურის ატაშე, კრისტოფერ ანდერსონისგან, მან სტუდენტებს საკუთარი აზრი და გამოცდილება გაუზიარა საჯარო გამოსვლის ხელოვნების და მნიშვნელობის შესახებ.
შეხვედრა კითხვა-პასუხის რეჟიმში გაგრძელდა