გორის სახელმწიფო საწავლო უნივერსიტეტში 28 თებერვალს გაიმართა მორიგი შეხვედრა აბიტურიენტებთან.
შეხვედრა გახსნა და პრეზენტაციას წარუძღვა გორის უნივერსიტეტის პროფესორი ეკა ქარდავა, რომელმაც ისაუბრა გორის უნივერსიტეტის მოკლე ისტორიასა და იმ პროგრამების შესახებ, რომელსაც ახორციელებს უნივერსიტეტი. პროფესორმა ეკა ქარდავამ მსმენელებს დაწვრილებით მიაწოდა ინფორმაცია გაცვლითი პროექტების და იმ აქტივობების შესახებ, რომლებსაც გორის უნივერსიტეტი სთავაზობს სტუდენტებს. აბიტურიენტების შეკითხვებს უპასუხა განათლების, ზუსტ და საბუნებისმეტყველო მეცნიერებათ ფაკულტეტის პროფესორმა ლაურა ელიაურმა.
აბიტურიენტებს მიესალმა, წარმატებები უსურვა და მათ შეკითხვებს უპასუხა გორის უნივერსიტეტის რექტორმა, პროფესორმა გიორგი სოსიაშვილმა.
აბიტურიენტებს შესაძლებლობა ჰქონდა დაეთვალიერებინათ უნივერსიტეტი.

უნივერსიტეტში მოსულმა აბიტურიენტებმა და სტუდენტებმა მოაწყეს ერთობლივი იმპროვიზებული კონცერტი.