2015 წლის 18 მარტს, ამერიკის საელჩოს ინიციატივით, აშშ სპიკერის პროგრამის ფარგლებში ქალბატონი რანია ანდერსონი ეწვია გორის სახელმწიფო სასწავლო უნივერსიტეტს, რომელმაც სტუდენტებისთვის გამართა სემინარი თემაზე: “მოემზადე წარმატებისთვის თავდაჯერებულობის შექმნით“.
უკვე 30 წელია, რაც ქალბატონი რანია მუშაობს ისეთ თემებზე, როგორიცაა საბანკო საქმე და მეწარმეობა. იგი აგრეთვე კონსულტაციას უწევს იმ მეწაარმე ქალებს, რომლებიც მუშაობენ განვითარებადი ეკონომიკის მქონე ქვეყნებში.
შეხვედრაზე სტუმარმა სტუდენტებს გაუზიარა თავისი ცხოვრებისეული და კარიერული გამოცდილება, მან ასევე მოიყვანა რამდენიმე მაგალითი, რათა სტუდენტებს ეფიქრათ საქართველოს რეალობაზე მორგებული სამომავლო შესაძლებლობების შესახებ.
შეხვედრა კითხვა -პასუხის ფორმატში გაგრძელდა, რომელიც დასრულდა დისკუსიით.