მიმდინარე წლის 22 მარტს გორის სახელმწიფო სასწავლო უნივერსიტეტს საქართველოს ფრანგული ინსტიტუტის დელეგაცია ეწვია, ინსტიტუტის დირექტორის, ბატონ პიერ კლუეს და ლინგვისტური და საგანმანათლებლო სფეროს კოორდინატორის, ქალბატონ ქეთევან ქურციკიძის შემადგენლობით.
დელეგაციას უმასპინძლა გორის სახელმწიფო სასწავლო უნივერსიტეტის რექტორმა, პროფესორმა გიორგი სოსიაშვილმა.
შეხვედრაზე მხარეებმა იმსჯელეს გორის უნივერსიტეტში ფრანგული ენისა და კულტურის ცენტრის გახსნასა და ენის შემსწავლელი კურსების განხორციელებაზე, რეგიონის მასშტაბით ფრანგული ენისა და კულტურის პოპულარიზაციასა და სხვა ერთობლივი აქტივობების შესახებ.