გორის სახელმწიფო უნივერსიტეტმა 2022 წლის 9 სექტემბერს უმასპინძლა საქართველოს ეკონომისტთა IV ეროვნულ კონფერენციას "მსოფლიო ეკონომიკის არქიტექტურის ცვლილება და საქართველოს ეკონომიკის გამოწვევები".
კონფერენცია ორგანიზებული იყო საქართველოს მეცნიერებათა ეროვნული აკადემიის ეკონომიკური კომისიის, ივანე ჯავახიშვილის სახ. თბილისის სახელმწიფო უნივერსიტეტის ეკონომიკისა და ბიზნესის ფაკულტეტის, თსუ პაატა გუგუშვილის სახელობის ეკონომიკის ინსტიტუტის და გორის სახელმწიფო უნივერსიტეტის ბიზნესის ადმინისტრირების კათედრის მიერ.
კონფერენცია გახსნა გორის სახელმწიფო უნივერსიტეტის რექტორმა, პროფესორმა გიორგი სოსიაშვილმა. სხდომას ხელმძღვანელობდა აკადემიკოსი ვლადიმერ პაპავა.
პლენარულ სესიაზე წარმოდგენილი იყო აკადემიკოსების ვლადიმერ პაპავას და მიხეილ ჯიბუტის, ასევე, პროფესორების: ელგუჯა მექვაბიშვილის, გიორგი ღაღანიძის, თეა და ნათია ხორგუაშვილების მოხსენებები.
პროგრამის მიხედვით მონაწილეობას იღებდა 75 მონაწილე.