მიმდინარე წლის 23-27 მაისს, ევროკავშირის მიერ დაფინანსებული Erasmus+ საერთაშორისო პროექტის E-PSY („ფსიქოლოგიური კონსულტაციების ცენტრების გახსნა სტუდენტებისათვის“) ფარგლებში, გორის სახელმწიფო სასწავლო უნივერსიტეტის წარმომადგენლები პროექტის პარტნიორ უნივერსიტეტების წარმომადგენლებთან ერთად სამუშაო ვიზიტით ეწვივნენ პოლონეთს, ბიდგოშჩის ეკონომიკურ უნივერსიტეტს (WSG).
შეხვედრებში მონაწილეობდნენ განათლებისა და მეცნიერების მინისტრის მოადგილე, ქალბატონი ნუნუ მიცკევიჩი და უმაღლესი განათლების სამმართველოს უფროსი, ქალბატონი მაია შუხოშვილი.
ბიდგოშჩის ეკონომიკის უნივერსიტეტის პროფესორებმა, ფსიქოლოგებმა რობერტო ლაუკსმა, ევა კაინიევსკამ და მაგდანელა ბერგმანმა სტუმრებს დაათვალიერებინეს სამედიცინო და სოციალური სერვისების ცენტრები, სხვადასხვა სახის სენსორული ოთახები, გააცნეს მათი ინფრასტრუქტურა და მუშაობის პრინციპები. იასეკ გოსპოდარსკიმ წარმოადგინა სიმულაციის უახლესი დანადგარები ფსიკოლოგიური დემენციის მქონე ადამიანებისათვის. ჩატარდა სხვადასხვა სახის აქტივობა.
გორის უნივესიტეტიდან შეხვედრებში მონაწილეობდნენ სოციალურ მეცნიერებათა, ბიზნესისა და სამართალმცოდნეობის ფაკულტეტის დეკანი, პროფესორი მარიკა შერაზადიშვილი და საერთაშორისო პროექტების კოორდინატორი, პროფესორი რუიზან მექვაბიძე.
შეხვედრის მონაწილეებმა მოისმინეს ლექციები, მონაწილეობა მიიღეს ვორკშოპებში და ჩაერთვნენ დისკუსიებში საპროექტო საკითხების ანალიზისა და შედეგების პრაქტიკული ხედვისა და განხორციელების თვალსაზრისით, რომლის საფუძველზეც გაფორმდა მემორანდუმები პროექტში მონაწილე საქარველოს უნივერსიტეტბსა და ბიდგოშჩის ეკონომიკის უნივერსიტეტს შორის. რომელიც გულისხმობს თანამშრომლობის გაგრძელებას კვლევის, განათლების და კულტურის სფეროში, რომელშიც ჩაერთვებიან სტუდენტები და აკადემიური პერსონალი.
ვიზიტი, რომლის მთავარი მიზანი იყო საერთაშორისო გამოცდილების გაზიარება, წარმატებით განხორციელდა, რისთვისაც კონსორციუმის წევრები მადლობას უხდიან ბიდგოშჩის ეკონომიკის უნივერსიტეტს.
ვიზიტის ფარგლებში გაიმართა შეხვედრა ბიდგოშჩის მერთან, რომელმაც გამოხატა თავისი მზადყოფნა და მხარდაჭერა უნივერსიტეტებისათვის პროექტების განხორციელების პროცესში.