2014 წლის 19 დეკემბერს თბილისში, პარლამენტის შენობის საქართველოს პირველი რესპუბლიკის დარბაზში შედგა სამუშაო შეხვედრა აფხაზეთსა და ყოფილი სამხრეთ ოსეთის ავტონომიური ოლქის ტერიტორიაზე არსებული მატერიალური და კულტურული მემკვიდრეობის ძეგლების მდგომარეობის შესახებ, რომელსაც ესწრებოდნენ საქართველოს პარლამენტის წევრები, შესაბამისი სამინისტროებისა და დეპარტამენტების, ადგილობრივ ადმინისტრაციულ ორგანოთა და უმაღლეს საგანმანათლებლო დაწესებულებათა, სამეცნიერო წრეების წარმომადგენლები.
შეხვედრა მიჰყავდა პარლამენტის წევრს, ფრაქცია ,,ქართული ოცნების“ თავმჯდომარეს, ბატონ გია ვოლსკის.
გორის სახელმწიფო სასწავლო უნივერსიტეტიდან შეხვედრაში მონაწილეობდნენ: უნივერსიტეტის რექტორი, პროფესორი გიორგი სოსიაშვილი და ადამიანური რესურსების მართვის სამსახურის უფროსი, ასოცირებული პროფესორი იოსებ ალიმბარაშვილი.