მიმდინარე წლის 30 მარტს, „ჰორიზონტი ევროპა“ – საქართველოს ეროვნული ოფისის ინიციატივითა და ამავე ოფისის გორის სახელმწიფო უნივერსიტეტის კოორდინატორის, გიორგი მღებრიშვილის ორგანიზებით, უნივერსიტეტში, ჰიბრიდულ რეჟიმში, საინფორმაციო შეხვედრა გაიმართა. რომლის ფარგლებშიც განხილული იყო:
WIDERA-ს (Widening, ERA) 2026 წლის კონკურსები.
პოსტსადოქტორო კვლევები, სადოქტორო ქსელების აქტივობები და ერთობლივი სადოქტორო კვლევები.
კულტურა, კრეატიულობა და ინკლუზიური საზოგადოება.
ეროვნულმა საკონტაქტო პირებმა (ნინო როდონაია - მონაწილეობის გაფართოება და ევროპული კვლევითი სივრცის გაფართოების ეროვნული საკონტაქტო პირი. თეონა მაისურაძე - მარია სკლადოვსკა-კიურის აქტივობების ეროვნული საკონტაქტო პირი. თამარ ბერბერაშვილი - მეორე კლასტერის ეროვნული საკონტაქტო პირი.) დამსწრე საზოგადოებას გააცნეს მიმდინარე და დაგეგმილი კონკურსები, მონაწილეობისათვის საჭირო ძირითადი ნაბიჯები და არსებული შესაძლებლობები.