გარემოსდაცვითი ორგანიზაცია CENN-ის მიერ ორგანიზებული "ხელის დაბანის საერთაშორისო კვირეულის" ფარგლებში, თვითმმართველობის თავმჯდომარის ანა ჯაფარიძის ხელმძღვანელობით, ქ.გორის N3 საჯარო სკოლაში მოეწყო საინფორმაციო შეხვედრა თემაზე "წყალი-სიცოცხლის წყარო, მისი ანთროპოგენული დაბინძურება და დაცვის ღონისძიებები". შეხვედრას წაუძღვა სპეციალურად მოწვეული, გორის სახელმწიფო სასწავლო უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტის ბიოლოგიის სპეციალობის პროფესორი, ქალბატონი ნელი გოგინაშვილი. შეხვედრას ესწრებოდა სკოლის ეკოკლუბი-ხელმძღვანელი ლუიზა ცერცვაძე და საბაზო-საშუალო საფეხურის მოსწავლეები, რომლებმაც გამოიჩინეს განსაკუთრებული აქტიურობა და მოხდა სამომავლო გეგმების შემუშავება.