1 დეკემბერს გორის უნივერსიტეტს ეწვია საფრანგეთის სრულუფლებიანი ელჩი საქართველოში, ბატონი პასკალ მენიე, რომელმაც უნივერსიტეტის სტუდენტებს, სკოლის მოსწავლეებს, უნივერსიტეტის პროფესორებსა და ადმინისტრაციის წარმომადგენლებს გააცნო მათი ხედვა და გეგმები, გორის უნივერსიტეტში ფრანგული ენის ცენტრის გახსნის შესახებ.
„საქართველოს ფრანგული ინსტიტუტის“ წარმომადგენელმა, ქალბატონმა ანა ლოლუამ, გააკეთა პრეზენტაცია საერთაშორისო გაცვლით პროგრამებსა და სწავლის დაფინანსებაზე საფრანგეთის უნივერსიტეტების საბაკალავრო, სამაგისტრო და სადოქტორო პროგრამებზე. აღნიშნულმა შემოთავაზებებმა სტუდენტთა დიდი დაინტერესება გამოიწვია.