2017 წლის 23 მაისიდან 10 ივნისის ჩათვლით, გორის უნივერსიტეტის ბიზნესის ადმინისტრირების კათედრის ინიციატივით და სტუდენტების ჩართულობით დაიწყო საჯარო ლექციების კურსი საჯარო სკოლის მოსწავლეებისათვის - „ბიზნეს ორგანიზების თავისებურებები და უნარ-ჩვევები“. ლექციებს ჩაატარებენ გორის უნივერსიტეტის ბიზნესის ადმინისტრირების კათედრის წევრები. პირველი ლექცია „ბიზნესის ორგანიზაციების ფორმების შესახებ“ წაიკითხა ასოცირებულმა პროფესორმა, ხალიანა ჩიტაძემ. ლექციას ესწრებოდნენ გორის N2 და N9 საჯარო სკოლის მე-10 კლასის მოსწავლეები და სტუდენტები.
ლექციები ტარდება გორის უნივერსიტეტის მესამე კორპუსში, ბიზნესის ადმინისტრირების კათედრაზე.