6 ივნისს გორის უნივერსიტეტის ლიტერატურულ კაფეში გაიმართა ილია ჭავჭავაძის საგურამოს სახელმწიფო მუზეუმის დირექტორის, ცნობილი ლიტერატორის, ბატონ ანდრო ბედუკაძის საჯარო ლექცია თემაზე "ილია ჭავჭავაძე - დამოუკიდებელი სახელმწიფოს ფუძემდებელი". ლექციას ეწრებოდნენ რექტორი, პროფესორი გიორგი სოსიაშვილი; ადმინისტრაციის ხელმძღვანელი, პროფესორი გიორგი ხორბალაძე; პროფესორ-მასწავლებლები და სტუდენტები.