15 დეკემბერს გორის სახელმწიფო სასწავლო უნივერსიტეტმა რეჯეფ ტაიფ ერდოღანის უნივერსიტეტთან (რიზე, თურქეთი) თანამშრომლობით ქართულ-თურქულ საერთაშორისო სამეცნიერო კონფერენციას უმასპინძლა.
კონფერენცია წუთიერი დუმილით დაიწყო. მონაწილებმა გორის უნივერსიტეტის გარდაცვლილ სტუდენტების ხსოვნას წუთიერი დუმილით მიაგეს პატივი.
კონფერენცია გახსნა გორის სახელმწიფო სასწავლო უნივერსიტეტის რექტორმა, პროფესორმა გიორგი სოსიაშვილმა, რომელმაც მადლობა გადაუხადა მობრძანებულ სტუმრებს და ქართულ-თურქულ ურთიერთობასა და საგანმანათლებლო სივრცეში ურთიერთთანამშრომლობის მნიშვნელობაზე ისაუბრა.
კონფერენციის მონაწილეებს მიესალმნენ რეჯეფ ტაიფ ერდოღანის უნივერსიტეტის რექტორის მოადგილე, პროფესორი ბატონი ალი ბილგინი და საქართველოში თურქეთის საელჩოს წარმომადგენელი, პროფესორი, ბატონი ნები გუმუში. პლენარული სხდომის შემდეგ მუშაობა სექციებში გაგრძელდა.
სულ წარმოდგენილი იყო 66 მომხსენებლის ნაშრომი, მათ შორის 30, თურქეთის რესპუბლიკის შვიდი უნივერსიტეტიდან.