მიმდინარე წლის 11 მაისს, გორის სახელმწიფო უნივერსიტეტის ბავშვთა უფლებების ცენტრში, პროფესორმა ნოდარ მირაზანაშვილმა წაიკითხა საჯარო ლექცია, თემაზე: “ბავშვთა უფლებები საერთაშორისო დოკუმენტებსა და საქართველოს კანონმდებლობაში“.
ლექციას ესწრებოდნენ გორის მუნიციპალიტეტის საბავშვო ბაღის მასწავლებლები, რომლებმაც 2022 წელს ბავშვთა უფლებების ცენტრის მიერ ორგანიზებული ტრენინგ-კურსი „ინკლუზიური განათლება“ გაიარეს.
გაეროს ბავშთა ფონდის მხარადჭერით გორის სახელმწიფო უნივერსიტეტში 2021 წელს დაფუძნდა ბავშვთა უფლებების ცოდნის ცენტრი, სადაც ხორციელდება ტრენინგ-მოდულები შიდა ქართლის რეგიონის საჯარო სკოლების მასწავლებელთა და მოსწავლეთათვის, რომელსაც გორის სახელმწიფო უნივერსიტეტის პროფესორ-მასწავლებლები და მოწვეული პერსონალი უძღვება.
აღსანიშნავია, რომ ბავშვთა უფლებების დაცვის ცენტრი ასევე დაარსდა ქვეყნის სხვა რეგიონებში, სადაც იმართება სხვადასხვა ტიპის ღონისძიებები – ტრენინგები, საჯარო ლექციები და დისკუსიები, ასევე, მუშავდება სპეციალური საგანმანათლებლო მასალები ბავშვთა უფლებების შესახებ.