2014 წლის 10 ივნისს პროექტის - „ვისაუბროთ ქართულად“ - ფარგლებში გორის რაიონის სოფელ ქვეშის საჯარო სკოლის დაწყებითი კლასის პედაგოგები და III - IV კლასის მოსწავლეები  გორის სახელმწიფო სასწავლო უნივერსიტეტს ეწვივნენ. პროექტის მიზანია ქართული ენის სიწმინდის  დაცვა, ლექსიკური მარაგის გამდიდრება, საპრეზენტაციო და საკომუნიკაციო უნარების განვითარება და სწორი ქართულით მეტყველება. პროექტის ხელმძღვანელია დაწყებითი კლასის პედაგოგი ნათია კურტანიძე, კლასის ხელმძღვანელი -  ლია ქელეხსაშვილი.

    სტუმრებმა დაათვალიერეს სასწავლო გარემო, შეხვდნენ  უნივერსიტეტის პროფესორებს,  ისაუბრეს ქართული ენის სიწმინდის დაცვის მნიშვნელობაზე.