30 ნოემბერს გორის უნივერსიტეტის ოთარ ჩხეიძის სახელობის კაბინეტის ორგანიზებით გაიმართა მწერალ როსტომ ჩხეიძის წიგნის ,,ჩემი საგვარეულო შტო" პრეზენტაცია.
პრეზენტაცია გახსნა გორის უნივერსიტეტის ადმინისტრაციის ხელმძღვანელმა, პროფესორმა გიორგი ხორბალაძემ, რომელმაც მიმოიხილა როსტომ ჩხეიძის შემოქმედება. შემდეგ, დამსწრეებს წიგნი გააცნო ავტორმა, რომელმაც ისაუბრა წიგნის შექმნის წინაპირობებსა და ავტორისთვის მისი მნიშვნელობის შესახებ.
პრეზენტაციას ესწრებოდნენ გორის უნივერსიტეტის სტუდენტები და პროფესორ-მასწავლებლები, ასევე ქალაქის დაინტერესებული საზოგადოება.