2021 წლის 26 თებერვალს გორის სახელმწიფო სასწავლო უნივერსიტეტში ხარისხის უზრუნველყოფის სამსახურის უფროსმა ბატონმა ლევან მიდოდაშვილმა და კანცელარიის უფროსმა ბატონმა იოსებ ალიმბარაშვილმა უნივერსიტეტის თანამშრომლებისათვის ,,ზუმის" პლატფორმით გამართეს ონლაინ ტრენინგი თემებზე: ,,უსდ ავტორიზაციის სტანდარტებით გათვალისწინებული მოთხოვნები და უნივერსიტეტის შიდა ხარისხის უზრუნველყოფის რეგულაციები“ და ,,ელექტრონული საქმისწარმოების ტექნიკური საკითხები“.
ტრენინგის ორგანიზატორებმა ყურადღება გაამახვილეს უსდ-ს მიერ საკითხთან დაკავშირებით გამოცემულ შიდა სამართლებრივ აქტებსა და დოკუმენტებზე. მოქმედი რეგულაციებიდან გამომდინარე, განმარტეს ავტორიზაციის სტანდარტებთან გათვალისწინებულ თანამშრომელთა უფლება-მოვალეობებზე, ასევე ელექტრონულ საქმისწარომების წესთან დაკავშირებულ საკითხებზე, ვადებსა და სხვა ტექნიკურ დეტალებზე.
შეხვედრის დასასრულ, ლ. მიდოდაშვილმა და ი. ალიმბარაშვილმა უპასუხეს დასმულ შეკითხვებს.