მიმდინარე წლის 20 იანვარს გორის სახელმწიფო სასწავლო უნივერსიტეტის ორგანიზებით დაიწყო ონლაინ კვირეული - “მოემზადე ერთიანი ეროვნული გამოცდებისთვის გორის უნივერსიტეტის მასტერკლასებით” .
შეხვედრების მთავარი მიზანია აბიტურიენტებისთვის გამოცდების შესახებ მნიშვნელოვანი და აუცილებელი ინფორმაციის მიწოდება.
დაგეგმილი კვირეულის ფარგლებში 25 იანვარს გაიმართა ვირტუალური შეხვედრა მასწავლებელთა პროფესიული განვითარების ეროვნული ცენტრის ექსპერტთან ინგლისურის მიმართულებით, ქალბატონ ნონა პოპიაშვილთან..
შეხვედრის დროს ექსპერტმა განიხილა ერთიან ეროვნულ გამოცდებზე ინგლისური ენის გამოცდის ძირითადი ასპექტები. ასევე, თუ რას უნდა მიაქციონ ყურადღება გამოცდებისათვის მზადების პროცესში.
აბიტურიენტები აქტიურად ჩაერთვნენ ონლაინ შეხვედრაზე.
აღსანიშნავია, რომ ონლაინ კვირეულზე დასასწრებად რეგისტრაცია გაიარა ასობით აბიტურიენტმა.