27 ივნისს გორის უნივერსიტეტის იაკობ გოგებაშვილის სახელობის დარბაზში ოთარ ჩხეიძის სახელობის ქართული ენისა და ლიტერატურის კაბინეტის ინიციატივით გაიმართა ლიტერატურული წრის ხელმძღვანელის, მწერალ ვანო ჩხიკვაძის პოეტური და პროზაული კრებულების “იყო“ და „მგზავრი“ პრეზენტაცია.

პრეზენტაცია გახსნა უნივერსიტეტის რექტორმა, პროფესორმა გიორგი სოსიაშვილმა, რომელმაც ვრცლად ისაუბრა მწერლის შემოქმედების ირგვლივ, სიტყვით გამოვიდნენ პროფესორები გიორგი ხორბალაძე, მარინე ცერცვაძე, დავით ახლოური. სტუდენტებმა: ნათია ტერტერაშვილმა, მარიამ ბესიაშვილმა, ეკა ხანიშვილმა, ანა სამადაშვილმა, მარიამ გელაშვილმა, ნინო ლაფაჩმა, ეკატერინე ქერდიყოშვილმა, თინათინ ანესაშვილმა, ნათია საზანდრიშვილმა, რუსუდან ტატიაშვილმა, ოლიკო კასრაძემ, მარიამ მღებრიშვილმა წაიკითხეს ნაწყვეტები ვანო ჩხიკვაძის ახალ კრებულში შესული ნაწარმოებებიდან.