2023 წლის 12 აპრილს, გორის სახელმწიფო უნივერსიტეტში, ბიბლიოთეკის ორგანიზებით, გაიმართა ლიტერატურული საღამო ,,როცა ღიაა სულის ფანჯრები...’’
ლიტერატურულ საღამოზე სტუდენტებმა განიხილეს მწერალ გიორგი სოსიაშვილის შემოქმედება - პრემია ,,საბას’’ და ,,მუზას’’ ნომინანტი მოთხრობათა კრებულები, ასევე კრებული-,,ჩრდილების თეატრი’’.
შეხვედრა გახსნა გორის უნივერსიტეტის ბიბლიოთეკის გამგემ, ნინო გორგიშელმა, რომელმაც მადლობა გადაუხადა მონაწილეებს და მსმენელებს აქტიურობისთვის. ლიტერატურული საღამოს მონაწილეებს ასევე მიესალმა ბიბილიოთეკის წარმომადგენელი, ღონისძიების ორგანიზატორი, მანანა ასლანიაშვილი-ჩხეიძე.
დისკუსიაში მონაწილეობდნენ გორის უნივერსიტეტის სტუდენტები: მარიამ წიქარიძე, სოფო სეხნიაშვილი, თორნიკე ჩხიკვაძე, გიორგი მირაზანაშვილი, ოთო შუბითიძე, ლიზი ბალახაშვილი, ჯული როსტომაშვილი, მარიამ ხმიადაშვილი.
სტუდენტებმა, მათ მიერ შერჩეული მოთხრობების ირგვლივ, გამოთქვეს საკუთარი მოსაზრებები და ისაუბრეს ტექსტების მათეულ ინტერპრეტაციაზე.
შეხვედრის დასასრულს, ავტორმა, გიორგი სოსიაშვილმა, მადლობა გადაუხადა ღონისძიების ორგანიზატორებს და სტუდენტებს მისი შემოქმედების ახალი კუთხით განხილვისთვის და ისაუბრა შემოქმედებითი პროცესის შესახებ