25 იანვარს ბატონმა იოსებ ალიმბარაშვილმა, ჰუმანიტარული ფაკულტეტის დეკანმა, გააკეთა წლიური მოხსენება, ფაკულტეტის მიერ ჩატარებული ღონისძიებებისა და მუშაობის შესახებ. ბატონმა იოსებმა აღნიშნა სტუდენტების აქტიური ჩართულობა და მონდომება, როგორც სასწავლო, ისე სტუდენტურ ცხოვრებაში. მან ხაზი გაუსვა აკადემიური პერსონალისა და სტუდენტების ერთობლივ წარმატებულ მუშაობას და დასძინა, რომ მსგავსი სახის უშუალო დამოკიდებულება უნივერსიტეტს და ფაკულტეტს უადვილებს ინფორმაციისა და გამოცდილების მიწოდებას სტუდენტებისათვის. დეკანმა ისაუბრა, სხვადასხვა საინფორმაციო და შემეცნებით ტურებზე სტუდენტებისათვის, რომელიც რეგულარულად იმართება სტუდენტების წახალისებისა და მოტივაციის გაზრდის მიზნით. ასევე ხაზი გაუსვა სტუდენტების წარმატებას საერთაშორისო და ადგილობრივ კონფერენციებში, მათ ჩართულობას და ინტერესის მაღალ დონეს. პრეზენტაციის დასასრულს, მან მადლობა გადაუხადა აკადემიურ პერსონალს და ყველა იმ თანამშრომელს, ვინც მცირედი წვლილი მაინც შეიტანა ფაკულტეტის განვითარებასა და წინსვლაში.