25 იანვარს გორის სახელმწიფო სასწავლო უნივერსიტეტის განათლების, ზუსტ და საბუნებისმეტყველო მეცნიერებათა ფაკულტეტის დეკანმა, ბატონმა დავით ჩოჩიშვილმა, გააკეთა პრეზენტაცია გასული წლის ღონისძიებებისა და აქტივობების შესახებ. დეკანმა დეტალურად ისაუბრა ფაკულტეტის გეგმებზე სტუდენტებისათვის ხელსაყრელი სასწავლო პროცესის შექმნის მნიშვნელობაზე და აღნიშნა, რომ მისთვის და უნივერსიტეტისათვის სტუდენტების პროფესიული განვითარება მთავარი პრიორიტეტია. ასევე აღნიშნა, რომ ფაკულტეტის წარმომადგენლობა ყველა რესურსს იყენებს სტუდენტური ცხოვრების გაუმჯობესებისათვის და მოიყვანა სხვადასხვა მაგალითი სტუდენტების წარმატებების შესახებ, სხვადასხვა სფეროში. დეკანმა დასძინა, რომ მომდევნო სასწავლო წელი იქნება გაცილებით მრავალფეროვანი და შედეგიანი. მისი თქმით სტუდენტების მოტივაცია საკმაოდ მაღალია და ადმინისტრაცია მზადაა მიიღოს და შესაბამისად უპასუხოს გამოწვევებს, რომლის წინაშეც ფაკულტეტი დგას. მან აღნიშნა, რომ უნივერსიტეტის სტუდენტები სწორედ ის ძალაა, რომლების სამომავლოდ შექმნიან სხვადასხვა ღირებულ პროდუქტებს ქვეყნის განვითარებისათვის.