2019 წლის 6 დეკემბერს, გორის სახელმწიფო სასწავლო უნივერსიტეტმა უმასპინძლა ფესტივალს, რომელიც ჩატარდა საქართველოს განათლების, კულტურისა და სპორტის სამინისტროს „კულტურის ხელშეწყობის პროგრამით“ - „ფუნჯი და კალამი - მომავლის მეგზურნი“. ფესტივალის ორგანიზატორი იყო პროექტი „სამი სავარძელი ხელოვანთათვის“ და მისი დამფუძნებელი, პოეტი ქეთევან შენგელია, ხოლო კოორდინატორი - გორის უნივერსიტეტის გიორგი მახარობლიძის სახელობის ლიტერატურული კაფე (ხელმძღვანელი თამარ გელიტაშვილი).
პროექტი მიზნად ისახავდა, წარმოეჩინა ნიჭიერი ახალგაზრდები სამი სახელოვნებო სფეროდან - ლიტერატურა, მხატვრობა, მუსიკა. კონკურსში მონაწილეობდნენ გორის მინიციპალიტეტის საჯარო და კერძო, ასევე გორის უნივერსიტეტის პირველ-მეორე კურსელები. კომპეტენტურმა ჟიურიმ (მარიამ მახაშვილი - მუსიკოსი, ამირან არაბული - ლიტერატორი, გიზო ხუბუა -მხატვარი) გამოავლინა გამარჯვებულები და გადასცა სამახსოვრო პრიზები.
ღონისძიებამ საზეიმო ვითარებაში ჩაიარა.