14 აპრილს საქართველოში დედაენის დღე აღინიშნება. ეს დღე 1978 წლის მოვლენების აღსანიშნავად 1990 წლიდან დაწესდა. სწორედ ამ დღის პატივსაცემად, გორის მუნიციპალიტეტის მერიის კულტურისა და ტურიზმის ხელშეწყობის სააგენტოს ტურიზმის განყოფილების თანამშრომლებმა გვირგვინებით შეამკეს, ჯერ იაკობ გოგებაშვილის ბიუსტი, ხოლო შემდეგ შოთა რუსთაველის მემორიალს ეწვივნენ, სადაც შეკრებილებს სიტყვით ტურიზმის განყოფილების უფროსმა რობერტ მაღლაკელიძემ მიმართა, გორის მესამე საჯარო სკოლის მეორე კლასის მოსწავლემ ნიკოლოზ ონიაშვილმა, ქართული ენისადმი მიძღვნილი ლექსი წაიკითხა. შეკრებაში მონაწილეობა მიიღეს გორის სახელმწიფო უნივერსიტეტის სტუდენტებმა.