2018 წლის 24 მაისს ”სტუდენტური დღეები 2018“-ს ფარგლებში გორის სახელმწიფო სასწავლო უნივერსიტეტის და კავკასიის გარემოსდაცვითი არასამთავრობო ორგანიზაციათა ქსელი - CENN-ის ორგანიზებით, გაიმართა დასუფთავების აქცია და ლაშქრობა გორიჯვრის მიმდებარე ტერიტორიაზე.
გორის უნივერსიტეტის სტუდენტებმა და ადმინისტრაციის წარმომადგენლებმა და გორის „მოლაშქრეთა კლუბის“ წევრებმა აქტიურად მიიღეს მონაწილეობა დასუფთავების აქციაში. გარემოსდაცვითმა ორგანიზაციამ ისინი დასუფთავებისთვის საჭირო ინვენტარით მოამარაგა.
კამპანია - ,,ჩვენი გარემოსათვის‘’ მიზნად ისახავს საგანმანათლებლო დაწესებულებების, კერძო კომპანიების, არასამთავრობო და სამთავრობო ორგანიზაციების, ასევე, ადგილობრივი მოსახლეობის ჩართვას საქართველოში სუფთა და მწვანე გარემოს შენარჩუნებაში.
მსგავსი აქციები მომავალშიც გაგრძელდება