2015 წლის 30 აპრილს გორის გ. ერისთავის სახელობის სახელმწიფო დრამატული თეატრის ფოიეში სტუდენტური დღეების გახსნასთან დაკავშირებით გაიმართა გორის სახელმწიფო სასწავლო უნივერსიტეტის სხვადასხვა ღონისძიებებში გამარჯვებული სტუდენტებისა და მოსწავლეების დაჯილდოება, რომლის შემდეგ წარმოდგენილი იქნა სპექტაკლის „კ. ბუაჩიძის მკაცრი ქალიშვილები“ პრემიერა, სადაც მონაწილეობა მიიღო გორის სახელმწიფო სასწავლო უნივერსიტეტის სტუდენტურმა თეატრმა ბატონ ანზორ გვაძაბიას ხელმძღვანელობით.

ღონისძიებას ესწრებოდნენ გორის სახელმწიფო სასწავლო უნივერსიტეტის რექტორი პროფესორი გიორგი სოსიაშვილი, ადმინისტრაციის ხელმძღვანელი პროფესორი გიორგი ხორბალაძე, რექტორის თანაშემწე ზაქარია დოთიაშვილი, ადმინისტრაციული პერსონალი, სტუდენტები, სკოლის მოსწავლეები და მოწვეული სტუმრები.