2020 წლის 02 მაისს სტარტი აიღო სამოქალაქო განათლების ლექტორთა ასოციაციის #CELA პროექტის “სამოქალაქო განათლების ხელშეწყობა ახალგაზრდების ჩართულობის გზით” განხორცილებამ, რომელიც ფრიდრიხ ებერტის ფონდის #FES ფინანსური მხარდაჭერით ხორციელდება.
გორის სახელმწიფო სასწავლო უნივერსიტეტსა და სამოქალაქო განათლების ლექტორთა ასოციაციას შორის არსებული ურთიერთთანამშრომლობის მემორანდუმის საფუძველზე, პროექტში CELA-ს სხვა პარტნიორი უნივერსიტეტების სტუდენტებთან ერთად მონაწილეობენ გორის სახელმწიფო სასწავლო უნივერსიტეტის პრაქტიკული სამართლის კლინიკის, ბაკალავრიატის საფეხურის სამართალმცოდნეობის და საჯარო მმართველობის სპეციალობის ის სტუდენტები, რომელთაც, გორის სახელმწიფო სასწავლო უნივერსიტეტის ბაზაზე გავლილი აქვთ სამოქალაქო განათლების კურსი ,,დემოკრატია და მოქალაქეობა“, რომელიც წარმატებით ხორციელდება უნივერსიტეტში.
ჩატარებული შეხვედრა Zoom-ის პლატფორმის გამოყენებით ატარებდა გაცნობით ხასიათს. სტუდენტებს შეხვდა სამოქალაქო განათლების ლექტორთა ასოციაციის დირექტორი ქ-ი თამარ ხარაია, რომელმაც მისასალმებელი სიტყვით მიმართა პროექტის მონაწილე სტუდენტებს და განსახორციელებელი პროექტის სამომავლო მიმდინარეობის ეტაპების შესახებ ესაუბრა.
დაიგეგმა პროექტის შემდგომი აქტივობები, რომელიც მიმდინარე წლის ბოლომდე განხორციელდება გორის სახელმწიფო სასწავლო უნივერსიტეტის სტუდენტების აქტიური ჩართულობით.