2026 წლის 26 მაისს გორის სახელმწიფო უნივერსიტეტმა მონაწილეობა მიიღო ქალაქ ოზურგეთში, საქართველოს დამოუკიდებლობის დღისადმი მიძღვნილ საზეიმო ღონისძიებაში.

საგანმანათლებლო და შემეცნებითი აქტივობები საქართველოს განათლების, მეცნიერებისა და ახალგაზრდობის სამინისტროს ორგანიზებით გაიმართა.

გორის სახელმწიფო უნივერსიტეტი საგამოფენო სივრცეში მრავალფეროვანი პროგრამით წარსდგა. სტუმრებსა და ადგილობრივ მოსახლეობას შესაძლებლობა ჰქონდათ, მონაწილეობა მიეღოთ იმიტირებულ არქეოლოგიურ გათხრებში. ამასთანავე, სპეციალურ პავილიონში გამოფენილი იყო შიდა ქართლის ტერიტორიაზე ჩატარებული არქეოლოგიური ექსპედიციების დროს აღმოჩენილი უნიკალური არტეფაქტები.

უნივერსიტეტმა დამთვალიერებელს კიდევ ერთი საგანმანათლებლო-სამეცნიერო აქტივობა შესთავაზა თემაზე: „ანტიბიოტიკების გავლენა რძის ხარისხსა და ადამიანის ჯანმრთელობაზე“. წარმოდგენილი იყო რძეში ანტიბიოტიკების სწრაფი გამოვლენის მეთოდები და კვლევის შედეგების ვიზუალური პრეზენტაცია. აღნიშნული აქტივობის მიზანი სურსათის უვნებლობისა და ეკოლოგიური ცნობიერების ამაღლებაა.

ღონისძიებებს ესწრებოდნენ საქართველოს პრემიერ-მინისტრი ირაკლი კობახიძე, ვიცე-პრემიერი, თავდაცვის მინისტრი ირაკლი ჩიქოვანი, განათლების, მეცნიერებისა და ახალგაზრდობის მინისტრი გივი მიქანაძე, მინისტრის მოადგილეები – ზვიად გაბისონია და ბაია კვიციანი, ასევე ადგილობრივი ხელისუფლების წარმომადგენლები.