2019 წლის 19 ივნისს გაიმართა განათლების მეცნიერებათა აკადემიის სხდომა. მონაწილეებს მიესალმა აკადემიის პრეზიდენტი და სოხუმის სახელმწიფო უნივერსიტეტის რექტორი, პროფესორი ზურაბ ხონელიძე. მიმდინარე და დაგეგმილი სიახლეების შესახებ საინტერესო მოხსენებით წარსდგა საქართველოს განათლების ხარისხის განვითარების ეროვნული ცენტრის დირექტორი გიორგი ვაშაკიძე. აზრი გამოთქვეს: პროფესორმა ზურაბ პაპასკირმა, პროფესორმა ოთარ ჟორდანიამ, პროფესორმა გიორგი ანჩაბაძემ და სხვებმა.

ამავე სხდომაზე საქართველოს განათლების მეცნიერებათა აკადემიის ნამდვილ წევრებად არჩეულ იქნენ გორის სახელმწიფო სასწავლო უნივერსიტეტის რექტორის მ/შ, პროფესორი გიორგი სოსიაშვილი; გორის სახელმწიფო სასწავლო უნივერსიტეტის რექტორის მოადგილე, პროფესორი ალექსანდრე მღებრიშვილი და ამავე უნივერსიტეტის ასოცირებული პროფესორი პაატა ქურდაძე.