ცხადდება კონკურსი გორის სახელმწიფო უნივერსიტეტის ბაკალავრიატის საფეხურის მესამე, მეოთხე, მეხუთე და მეექვსე სემესტრის სტუდენტებისთვის ევროკომისიის მიერ დაფინანსებული ერასმუს+ პროგრამის სტიპენდიების მოსაპოვებლად.

საფრანგეთი                                                            

ანჟეს უნივერსიტეტი

სასწავლო მიმართულებები (ინგლისურენოვანი):
• ტურიზმი
• სასტუმროს მენეჯმენტი
• ბიზნესის ორგანიზაცია და მართვა

მობილობის პერიოდი: 2024-25 სასწავლო წლის გაზაფხულის სემესტრი.

ერასმუს +ს სტიპენდიების რაოდენობა: 3

სტიპენდიატთა შესარჩევი პროცესი:

1. განაცხადისა და შესაბამისი დოკუმენტაციის შემოწმება (გორის სახელმწიფო უნივერსიტეტი)
2. უნივერსიტეტის მიერ ორგანიზებული ინგლისური ენის ინსტიტუციური ტესტირება (გორის სახელმწიფო უნივერსიტეტი)
3. საბოლოო შერჩევა/სტიპენდიის მინიჭება (ანჟეს უნივერსიტეტი)

სტიპენდია მოიცავს:

1. სწავლის გადასახადისაგან გათავისუფლებას;
2. ყოველთვიურ სტიპენდიას ევროკომისიის მიერ დადგენილი ნიხრით;
3. ორმხრივი საერთაშორისო მგზავრობის ხარჯების ანაზღაურებას ევროკომისიის მიერ დადგენილი ნიხრით.

შერჩეულმა სტიპენდიატებმა თავად უნდა აანაზღაურონ სავიზო მოსაკრებლისა და ყოველთვიური საერთაშორისო დაზღვევის ხარჯები!

დაინტერესებულმა პირებმა უნივერსიტეტის საერთაშორისო ურთიერთობების სამსახურში ( I კორპუსი, 214 აუდიტორია) რეგისტრაცია უნდა გაიარონ არაუგვიანეს 19 ნოემბრის 17.00 საათისა და 20 ნოემბერს მონაწილეობა მიიღონ უნივერსიტეტის მიერ ორგანიზებულ ინგლისური ენის ინსტიტუციურ ტესტირებაში.
დამატებითი ინფორმაცია უნივერსიტეტის შესახებ შეგიძლიათ იხილოთ ბმულზე:
https://www.univ-angers.fr/fr/acces-directs/facultes-et-instituts/ufr-esthua-tourisme-et-culture/formations.html