30 მაისს გორის უნივერსიტეტის სტუდენტების ინიციატივით ჩატარდა საქველმოქმედო აქცია, რომლის მიზანი ლეიკემიით დაავადებული ბავშვების დახმარება იყო. აქციის ორგანიზატორები იყვნენ: ანი ამბრიაშვილი, თიკო ყაულაშვილი, დიტო ხარატიშვილი, მარი ბერუაშვილი, მეგი ბერუაშვილი, ნინო მძინარიშვილი, მახო ბერუაშვილი, უჩა ჯაშაშვილი.

ჯგუფის წევრებმა აქციის წინა დღეს მოსახლეობაში გაავრცელეს ინფორმაცია, ჩაატარეს გამოკითხვა და დაარიგეს ბუკლეტები. პროექტის განხორციელებაში სტუდენტებს მხარი დაუჭირა უნივერსიტეტის ადმინისტრაციამ, ასევე - იაშვილის კლინიკის ექიმებმა.