2010 წლის 16 ივნისს გორის უნივერსიტეტში სტუმრად იმყოფებოდა საქართველოს უსაფრთხოების ანალიზის ცენტრის დირექტორი, პოტომაკის პოლიტიკური სწავლების ინსტიტუტის წამყვანი მეცნიერი დევიდ სმიტი. მან წაიკითხა საჯარო ლექცია თემაზე: ,,საუბარი გეოპოლიტიკაზე: ამერიკა და საქართველო". ლექციას ესწრებოდნენ: გორის უნივერსიტეტის რექტორი, პროფესორი ზაზა ცოტნიაშვილი, პროფესორ-მასწავლებლები, სტუდენტები, ტელევიზიისა და პრესის წარმომადგენლები. რექტორმა ისაუბრა ბატონი დევიდის სტუმრობის მნიშვნელობაზე და მის მიერ წაკითხული თემის აქტუალობაზე, მადლობა გადაუხადა ბატონ დევიდს სტუმრობისათვის. ლექციის დასრულების შემდეგ მომხსენებელმა პასუხი გასცა დასმულ შეკითხვებს.